紅魔發惡 再o趙富咸

猪拉多纳

有機會贏叫報仇，預咗再輸叫送死。富咸今晚喺英超主場再遇曼聯，唔似洗脫到喺足總盃輸1:4嘅恥辱，特別係富咸門將舒華沙陷入信心危機，紅魔讓半一值得熱捧。

（有線200、300及廣東體育周日凌晨1:30直播）
富咸門神舒華沙輸到慌

富咸今季的確唔抵撐，即使日前喺聯賽以3:1砌低韋斯咸，結束連續5場不勝走勢，暫時都仲未上得番前列，原因之一係澳洲門將舒華沙曾經受到傷患困擾，復出後又打唔番最佳水準，據聞領隊祖爾已經唔再信任佢，甚至想借用羅馬門將史基倫堡救亡。咁樣被質疑，冇晒自信嘅舒華沙，又點能夠踢好波先？
曼聯多線作戰搶分打底

當然，富咸上星期喺足總盃輸畀曼聯，連失4球係唔可以怪晒舒華沙，但唔好忘記，除咗防線唔掂，其實富咸前線都令人擔心，事關貝碧托夫表現向來飄忽，足總盃倒戈又完全冇料到，證明傳聞同佢不和嘅紅魔領隊費格遜，的確有辦法將呢位前英超神射手嘅威脅力減到最低，富咸連反擊力都冇，好難爆得出。

對家曼聯隨住中場香川真司、拿尼同路爾斯安達臣相繼復出，已有足夠兵源調動。再講，曼聯好快要喺歐聯硬撼皇馬，當然希望喺聯賽繼續贏，保持甚至擴大榜首嘅7分領先優勢，為爭標打好個底，添食機會好高，唔使諗咁多，捧多次就最好！
Data King：曼聯5鬥富咸全勝入15粒

‧富咸連續13場有失波。

‧富咸連續9場開半場入球細。

‧曼聯近5次對賽全勝，攻入15球。

‧紅魔連續5場開半場勝。
玩埋曼聯半場客W

假如睇好曼聯贏波，不妨考慮玩埋2.02倍半場客勝，事關紅魔近期防線回穩，即使上場對修咸頓，半場已經可以反勝對手，近8仗有7次半場領先，期間有6次開出半勝全勝，上星期喺足總盃對富咸，更加開波3分鐘已經由傑斯射入12碼領先，呢個半客賠率都唔錯，抵玩！

賽果熱線：2707 9900　周六晚6時20分起至周日晚6時止