馬里尼日爾互無優「細」

猪拉多纳

非國盃隔年就舉辦一次，一直令人感覺唔多矜貴，加上同主流聯賽撞晒期，星級主力一講到歸隊都拖得就拖，所以集訓時間相當有限，直接影響賽事水平，所以上屆24場分組賽，得兩隊波可以單場入多過兩粒。今屆起改為單數年舉行，所以出現連續兩年都有決賽周，外圍賽亦要由分組賽改為淘汰賽，部分參戰球隊踢咗單輪兩回合賽事就取得入場券，兒戲之餘，質素亦冇保證。
政局不穩冇心情備戰

今晚會上演B組分組賽，尾場由馬里大戰尼日爾，論人腳，毫無疑問係馬里佔先，話晒都有前巴塞中場施度基度在陣，但由於國內陷入戰亂，政局嚴重不穩，根本冇人有心情備戰，賽前竟然一場正規熱身賽都冇踢過，點見得大場面？

對家尼日爾得兩件喺歐洲落班，其餘唔係冇班落，就係留喺非洲球會搵食，但正因為冇星，佢哋嘅備戰工夫相對完整，單係1月就踢咗3場熱身賽，今仗對住馬里未必太蝕底，只可惜佢哋火力真係靠唔住，上屆3場分組賽只係入得1粒，所以今場首選係1.59倍入球細。（now676台周一凌晨2:00直播）
足球重心：馬里（入球細）、車路士（入球大）

馬膽推介：7場(4)蒜頭仔

算係今季表現最傑出嘅新星，無論排外檔抑或負重磅都能夠一攻而破，難得補出經典一哩賽，仲搵到當紅嘅潘頓執韁，真係連運都贏埋。

非國盃B組