波爾多大起聖日耳門

猪拉多纳

法甲波爾多主場惡鬥巴黎聖日耳門，主隊要努力保衞第4參加歐戰資格，客軍要追番落後榜首里昂嘅3分差距，雙方都冇失分空間，今場兩軍陣容不整，尤其聖日耳門中後場嚴重唔齊人，對攻下容易露出更多空位，Leni相信會係一場入球騷，大盤有2.2倍值得捧場。

（周一凌晨4時開賽）

聖日耳門較早前聯賽4連勝共轟入12球，不過上仗主場遭阿些斯奧摸和，爭霸進入被動局面，今場矢志要全取3分，不過球隊中後場要大執位，防線領袖堤亞高施華最少要養傷3周，另一守將阿曼特亦因傷缺陣，防守中場施素高要踢非國盃缺陣，防守力量大幅削弱，作客主攻好難唔失波。

波爾多經過5連和後上仗終於擊敗雷恩重響勝鼓，今仗賽前揚言會起用「433」陣式同聖日耳門對攻，不過中場奧拜尼亞克同祖斯因傷缺陣，主力阿布度查奧爾同迪亞巴堤要踢非國盃，亦要起用唔少副選，愈心急搶攻愈容易犯錯，大盤博得過。
Leni 推介：

波爾多大 ★★★★

格羅寧根大 ★★★

艾斯杜尼大 ★★★