阿積士遇強嗒得「諾」

猪拉多纳

荷甲今晚上演國家打吡，阿積士主場鬥飛燕諾，飛燕諮今季演出雖然比過去幾季有改善，不過始終擺脫唔到強隊恐懼症，阿積士今季主場先後殺敗燕豪芬、川迪兩大爭標勁敵，今場有力再下一城，1.48倍主W可作過關之選。

（now 639周日晚9時30分直播）

飛燕諮目前跟阿積士同得三十七分，只係落後榜首燕豪芬三分，係呢支傳統三強近年最好成績，不過睇深一層，佢哋今季三場聯賽敗仗分別作客輸畀燕豪芬、川迪及維迪斯，三支都係前五分子，而且飛燕諾三場敗仗一球都入唔到，證明佢哋遇強愈弱。相反阿積士主場雖然曾不敵維迪斯，但面對排名較自己高嘅燕豪芬及川迪都能順利贏波，主場出擊有霸氣。連盃賽在內，阿積士近六次主場鬥飛燕諾取得五勝一和，擺明食住對手。
威廉二世海牙鬥攻玩大

另外兩關同屬荷甲，格羅寧根主場鬥烏德勒支，兩軍近六次交手均由主場一方勝出，主場優勢明顯，格羅寧根小讓平半值博。另一場威廉二世主場鬥海牙，海牙作客成績更勝主場，信心爆棚預計一樣會照主攻，至於威廉二世踢法有前冇後，今季主場對川迪、阿積士都出現大手交易，今場首選大盤。