2月「亂世」追殺紅魔

猪拉多纳

「藍月亮」人多好辦事

「藍月亮」曼城嘅傷兵名單，加埋停賽同暫時離隊踢非國盃嘅球員一大籮，雖然陣容大兜亂，但係「人多好辦事」，亂勢造英雄，坐緊冷板櫈嘅就可以乘機爭上位，所以愈踢愈勁4連勝，今晚對住富咸繼續強攻，客軍亦唔會死守，又係一場入球騷!

呢季英超只係踢咗一半多啲，由於過氣Big4「兵工廠」同「紅軍」唔爭氣，「車仔」又窒咗油，其他球隊好似熱刺同愛華頓最多只能充當陪跑分子，睇嚟又會重演上季曼徹斯特市兩隊波玩晒嘅局面，依家曼城只不過落後榜首曼聯7分，一輪比賽贏輸來回就形勢均等！
控球率升近6成英超第1

只要當2月中歐聯戰火重燃，加埋足總盃，同部分球員要應酬太公波，屆時「紅魔」班球員肯定會疲於奔命，英超出現變數機會提高，曼城可能响「亂世」搵到食。曼城唔使應付多條戰線，文仙尼多咗時間執番正隊波，即刻提升比賽控球率接近6成排第一，所以近期入波停不了，兼且喺主場對住弱隊亦甚少失拖，狂攻富咸走唔甩。再者富咸對住強隊都唔知「死」字點寫，成日玩對攻，兩隊喪攻盞益球迷睇入波！