喜鵲雷丁「大」騷自救

猪拉多纳

英超「喜鵲」紐卡素今季成績嚴重下滑，難怪領隊柏杜都話壓力大。今晚紐卡素主場對下游球隊雷丁，鬼Sir相信兩支球隊都會拚盡求三分。基於兩支球隊都有降班危機，下半季賽事唔可以再慢慢嚟，特別係排名較低嘅雷丁。簡單啲講今場雙方都唔會有任何保留，肯定會對攻求勝，鬼Sir推介大盤畀大家。

（有線302及202台周六晚11時直播）
降班危機唔到你唔搏

紐卡素成績差與傷兵多有關，而丹巴巴亞離隊亦影響到球隊實力。但依家點講都冇用，紐卡素都要面對現實，為當前困境而繼續努力。鬼Sir一直幾欣賞紐卡素領隊柏杜，深信佢有力能帶領球隊逃出生天，基於今場對手雷丁唔算太強，預計柏杜會要求隊員踢得更加主動，要攻入雷丁後防應非難事。

至於雷丁降班壓力比起主隊仲大，所以每場聯賽唔會「錫力」。就以上輪聯賽反勝西布朗為例，雷丁永不言敗嘅精神真係唔到你唔服，睇嚟今晚對住紐卡素都唔會「縮縮吓」，隨時又會同對手上演入球騷。