蒙彼利埃法聯盃掃雷

猪拉多纳

今日受注賽事依然以盃賽做主打，法聯盃上演四強賽，雷恩主場鬥蒙彼利埃，雷恩歇冬後連輸兩場，球員明顯未回魂，相反蒙彼利埃狀態持續復甦，連歇冬前對上六場比賽贏五場，今場客軍受讓平半，下盤乃不二之選。

（周四凌晨4時開賽）

上季法甲冠軍蒙彼利埃今季因要兼顧歐聯，季初成績一落千丈，不過自從佢哋喺歐聯分組賽包尾出局，成績明顯有冒升迹象，由去年十二月初踢完最後一場歐聯對史浩克04，蒙彼利埃踢咗六場正式比賽，取得五勝一負，包括歇冬後兩連勝，狀態畀到人一定信心。反而雷恩近況卻明顯走下坡，佢哋歇冬後先在法足盃不敵乙組仔朗斯，上周末聯賽亦喺主場淨吞波爾多兩蛋，就算主場出擊都信唔過，客軍受讓平半值得捧場。
葡盃捧費利拿甘馬雷斯

另外兩關就揀葡萄牙盃八強賽事，先講費利拿主場鬥基維辛迪，費利拿係今季一路奇兵，聯賽連盃賽只輸過畀賓菲加及士砵亭，佢哋聯賽首循環曾作客擊敗基維辛迪，今次仲有主場之利，主W有1.72倍非常抵玩。最後甘馬雷斯主場鬥布拉加，布拉加作客演出遠遠不及主場穩定，上月葡聯盃交手，布拉加作客亦只能悶和甘馬雷斯，今次同樣讓唔起對手，捧「讓球主勝」。