費倫鬥心勝羅馬

猪拉多纳

意大利盃八強戰費倫天拿主場對羅馬，今場對費倫天拿教練蒙迪拿嚟講有特別意義，因為對手羅馬正係「飛機佬」成名球會，今次佢以教練身份挑戰羅馬，蒙迪拿好希望能夠擊敗對手，證明羅馬當年冇畀機會佢坐正執教係極大錯誤。主隊鬥志無限，主W開出機高。

（now 631周四凌晨4時直播）

蒙迪拿掛靴後本來喺羅馬執教青年軍，及後亦成為羅馬看守教練。本以為蒙帥會喺短期內坐正，但因當時球會高層對蒙迪拿信任度不足，無意向佢提供一份長期合約，蒙迪拿喺失望之下，惟有投靠弱隊卡坦尼亞，而良好表現亦令佢可轉到規模更大嘅費倫天拿。蒙迪拿覺得自己効力羅馬多年，又曾經攞過聯賽冠軍，論年資論功績，好應該得到首都球隊支持，奈何羅馬不念舊情，一腳伸走佢，蒙迪拿好自然會產生敵對心理。
蒙迪拿「倒戈」多計仔

實在蒙迪拿好了解羅馬，亦曾同現任羅馬教練施文合作過，對手有幾多料佢一清二楚，費倫天拿今場必有一套破敵之計。至於羅馬王子托迪受傷缺陣，副隊長迪羅斯及部分球員又同施文交惡，陣內氣氛緊張自然影響發揮。