防線未回魂 入得又失得

猪拉多纳

周六凌晨有多場法乙舉行，要留意嘅比賽先有昂熱主場對克萊蒙特。計分數昂熱仍然有機會爭法乙冠軍，不過，佢哋今晚要贏克萊蒙特有少少難度，始終昂熱聯賽主勝率只得五成，以一支前列球隊嚟講唔係咁高，相信克萊蒙特有力取分，受讓可捧「讓球客勝」。

（周六凌晨3時開賽）

克萊蒙特近況唔算突出，但唔相信佢哋會就此一沉不起。要留意克萊蒙特最近兩場敗仗，所遇係有班底嘅歐塞爾及南特，今場對住昂熱應有唔同發揮。仲有一點好值得提出，克萊蒙特近兩次作客都冇失球，今場受讓當然要（目及）實。
伊斯特尼斯甘岡「讓球勝」

另外，GFCO阿些斯奧主場對伊斯特尼斯，同樣選擇「讓球客勝」。伊斯特尼斯對於升班資格仍有憧憬，本周作客弱隊肯定會拚盡。GFCO阿些斯奧要搶分護級，無奈球隊實力有限，主場亦難以信任。

至於勒哈弗爾主場對甘岡，「讓球客勝」都係唔錯嘅擇。連同聯賽及盃賽在內，甘岡已超過十場不敗，賽績良好受讓要捧。