切爾達夠韌博皇馬半場細

猪拉多纳

一連幾晚都由盃賽擔大旗，皇家馬德里喺西盃16強首回合意外以1:2不敵切爾達，今晚喺次回合上演絕地反擊，相信1.42倍「讓球主勝」同埋1.68倍入球大都係熱門之選，但查實皇馬今場贏1:0都夠晉級，形勢唔算極惡劣，面對肯定死守嘅切爾達，1.93倍半場細更值得考慮。

（now632台周四凌晨4:30直播）

皇馬自從喺歐聯贏完阿積士之後，一直都令捧場客失望，今仗博佢哋反彈嘅回報僅得1.42倍，完全係唔值博。事實上今仗對戰雙方排名差距達12位，但皇馬今季聯賽主場都係小勝切爾達2:0，西盃首回合仲要輸埋，證明雙方差距並非想像中咁大，再講，皇馬上圈主場對住丙組仔，半場都係0:0悶和，盲目追大實屬不智。
切爾達近8戰6場半場不失

切爾達教練柏高靴利拿上場聯賽前表示，話唔贏嘅話會好麻煩，結果佢哋順利擊退華拉度列，暫時紓緩降班壓力後，可以放心喺西盃同皇馬再鍊過。由於首回合有領先優勢，佢哋今場毫無疑問會死守，睇番往績，對上8場有6戰半場保住不失，近9戰亦有8場開半場細，防守夠硬淨值得跟多鋪。

首回合：皇客負1:2
足球重心：皇馬（半場細）、車路士（讓球和）

馬膽推介：7場(1)滿綵

實力僅次於馬王級，今季亦試過喺田草僅負「雄心威龍」及「精彩日子」，不過想贏就只能夠染指谷草級際賽，呢匹去年一月盃盟主跑快活谷明顯再高半班，值得跟進。

猪拉多纳