100萬多寶！英超元旦6寶全攻略

猪拉多纳

為迎接新一年來臨，馬會足智彩於今日元旦日「6寶半全場」特別增設100萬元多寶彩池，6關場次全為英超賽事，截止投X時間為晚上11時。雖然大家對一眾英超球隊已耳熟能詳，不過投X「6寶」唔係單睇實力咁簡單，邊隊波擅於早段發力、邊隊後勁凌厲、邊隊有頭威、冇尾陣，呢啲數據都對投X「6寶」有極大幫助，今日呢個全攻略，就為大家詳盡分析今晚6關賽事，想發新年財，梗係要（目及）實啦！
第1關：曼城（2） Vs 史篤城（8）

曼城今場贏波機會高，憑住主場氣勢半場落後機會唔大，不過史篤城10場作客有6次開「半和」，就算佢哋真係輸波，都有機會守到半場，睇好曼城贏波嘅不妨兼投「主主」同「和主」。不過曼城近5戰主場有2次半場落後，而史篤城作客有2次半場領先，最終都守唔到尾，扒冷可敲「客和」。
＞＞熱選：主主/和主•冷選：客和

曼主場「半全場」數據

主主：4次、和主：2次、客主：1次

主和：1次、和和：1次

客客：1次
史作客「半全場」數據

主主：2次、和主：1次

和和：4次、客和：2次

和客：1次
第2關：史雲斯（10） Vs 阿士東維拉（17）

維拉今季10場作客輸6場，史雲斯主場成績亦唔算標青，10次主場僅3勝，今仗和波機會較高。史雲斯主場5次和波從未試過領先，呢關一於揀「和和」或「客和」。考慮到史雲斯今季主場只要贏住返更衣室，最後都能夠保住勝果到完場，如認為主隊可以全取3分，不妨冷吼「主主」。
史主場「半全場」數據

主主：2次、和主：1次

和和：3次、客和：2次

客客：2次
阿作客「半全場」數據

主主：3次、和主：2次、客主：1次

和和：1次、客和：1次

和客：1次、客客：1次

＞＞熱選：和和/客和 •冷選：主主
第3關：熱刺（4） Vs 雷丁（19）

雷丁作客2和8負未贏過，作客白鹿徑凶多吉少。不過雷丁甚少由頭輸到尾，10場作客只有2次半場落後，換邊前演出明顯較佳。熱刺今季主場出擊換邊前表現亦一般，10場聯賽只有2次能夠領先上半場，其餘8戰6和2負，面對另一支升班球隊昆士柏流浪亦曾半場落後，可敲較冷門嘅「客主」。
＞＞熱選：和主 ‧冷選：客主

熱主場「半全場」數據

主主：2次、和主：2次、客主：1次

和和：3次

和客：1次、客客：1次
雷作客「半全場」數據

主主：2次、和主：4次、客主：2次

客和：2次
第4關：韋斯咸（12） Vs 諾域治（11）

韋斯咸10仗主場有4次半場領先，其中2次能夠全取3分，其餘2次則「反勝為敗」。諾域治今季作客只曾1勝，要贏波有一定難度，不過佢哋其中作客兩次半場落後，最終都可以逼和對手，有一定後勁，而且佢哋作客和波比率達5成，「主主」及「主和」都係唔錯嘅選擇。
＞＞熱選：主主、主和 ‧冷選：和和

韋主場「半全場」數據

主主：2次、和主：1次、客主：1次

和和：1次、客和：2次

主客：2次、和客：1次
諾作客「半全場」數據

主主：3次、和主：1次

主和：2次、和和：3次

客客：1次
第5關：韋根（16） Vs 曼聯（1）

曼聯近年對韋根贏多輸少，今場全取3分機會極高，既然「紅魔鬼」今季係「反勝王」經常後上反勝，後防又唔多穩陣，呢關「主客」當然要熱捧。曼聯今季聯賽少和波，如果唔信往績想扒冷，大可捧韋根贏波，曼聯今季作客2次輸波都開「和主」，值得一試。
＞＞熱選：主客 ‧冷選：和主

韋主場「半全場」數據

主主：1次、客主：1次

主和：1次、和和：2次

和客：2次、客客：3次
曼作客「半全場」數據

和主：2次

和和：1次

主客：1次、和客：2次、客客：4次
第6關：修咸頓（18） Vs 阿仙奴（5）

阿仙奴聯賽4連勝，表現回勇，今訪修咸頓勝算高，「兵工廠」今季作客贏波未試過半場落後，可雙選「和客」及「客客」。如果唔睇好阿仙奴嘅朋友，不如揀較為冷門嘅「和和」，始終修咸頓10仗主場有5次開「半場和」，其中最近3場2次開「和和」，值得留意。
＞＞熱選：和客/客客 ‧冷選：和和

修主場「半全場」數據

主主：1次、和主：1次、客主：1次

主和：1次、和和：2次

和客：2次、客客：2次
阿作客「半全場」數據

主主：2次

主和：1次、和和：3次

和客：2次、客客：2次
填飛/上網/手機任你揀

投X六寶半全場傳統方式係去投X站填飛仔，夠晒實際，呢個彩池亦有電腦飛，每票$20共兩注。不過，元旦日撞正賽馬日，大家唔想花時間排隊，最快捷方便梗係用網上投X啦，只要大家有投X戶口，喺足智彩官方網頁「投X區」跟住指示完成簡單嘅登記步驟，之後就可以上網投X，click幾click就買到波，相當輕鬆。講到最新最潮嘅方式，就梗係用手機投X啦，大家可以用智能電話下載香港賽馬會應用程式，登入後即可隨時隨地揀選心水注項，勁方便！
搵幾關做膽刀仔鋸大樹

投X「6寶」最緊要夠靈活，若果總投X金額達$100或以上，每注金額最低係$5，例如每關都揀兩個投X選擇，總注數64注，每注10蚊要$640，可改買每注5蚊，總投X$320，每場揀兩個投X選擇命中機會當然較高，但本錢自不然偏高。

大家可以參考以下投X組合，先搵2關做膽，每關揀1個選擇，另外3關揀2個投X選擇，最後1關3個投X選擇，總注數24注，$5注本錢$120。若有3關心水，每關揀1個選擇，其餘3關揀3個，共27注，每注$5總投X$135，適合鍾意刀仔鋸大樹嘅朋友。