獅吼有排執平手撐阿德

猪拉多纳

貴為上季澳職總冠軍，布里斯班獅吼今季表現真係令人失望，打完12場只係得11分排尾2，平均1場都攞唔到1分，上場即使改由新帥梅維爾領軍，諗住會有所突破，點知喺自己地頭都輸畀實力一般嘅珀斯光輝，今午要造訪主場表現平穩嘅阿德萊德聯，相信仲未係時候反彈，平手盤撐硬主隊。

（有線64及204周三下午4:30直播）
阿德萊德聯主場6戰5勝

布里斯班獅吼今季作客6戰未開齋僅得兩分，係澳職客戰成績最差嘅一隊，加上連續3場未贏過，冇得受讓真係完全唔值博，新帥梅維爾都講明1月會增兵，可見佢未有即時對策搞番掂隊波。

相反今場對手阿德萊德聯今季主場表現對辦，6戰取得5勝1和不敗佳績，場均攻入超過2球，火力可信。上場無啦啦失準，畀西悉尼流浪者攻入6球，教練高斯米拿賽後省到班球員立立令，今場係時候搵對手出氣，一於撐阿德萊德聯主場贏波，送份禮物氹球迷。