地頭龍史篤城 當「海鮮王」紅軍冇到

猪拉多纳

利物浦今晚喺英超尾場作客史篤城，「紅軍」上仗雖然大勝，但有高治及奧雲倒戈嘅史篤城今季主場未輸過，防線咁穩，「海鮮王」「利記」唔係話贏就贏，史篤城受讓平半，小妹決定撐1.92倍下盤！

（有線200及300、廣東體育周四凌晨3:45直播）
主場對賽未輸過

史篤城主場不列坦尼亞球場對利物浦嚟講絕對係「凶地」，皆因史篤城自升上英超後，從來未喺主場聯賽輸過畀「紅軍」！再講，史篤城嘅跨季英超主場不敗走勢，已經去到破球會紀錄嘅15場，連曼城、阿仙奴及愛華頓都搞唔掂佢哋，旨意表現飄忽嘅利物浦贏波真係難啲。唯一可惜係查理阿當要處理父親身後事，未必可以喺今仗倒戈喇。

「紅軍」上仗喺主場大炒富咸4:0，低迷已久嘅謝拉特雖然踢得生猛，但小妹就唔睇好年紀漸長嘅佢可以Keep得住勇態，防守中場盧卡斯復出後又幾乎未踢足過全場，狀態成疑，分分鐘又重現前仗對維拉嗰陣防線不堪一擊嘅慘況，莫講話贏，想執1分走都未必得喇。