巴塞馬體會 鋒神大決鬥

猪拉多纳

西甲神射手鬥法 美斯Vs法卡奧

好睇呀！好睇呀！今晚西甲有場重量級戲碼，由「地上最強」巴塞隆拿主場出擊對馬德里體育會。高手過招，把握力絕對係勝負關鍵，雙方各有把握力極高嘅「鋒神」美斯同法卡奧坐鎮，「張峰」預期佢哋呢場會大手交易，入球大細中位數就算調高到3.5球都冇有怕，照捧1.92倍「入球大」！

（now632台周一凌晨4:00直播）

巴塞上周中喺西盃派遣強陣出擊，最終贏科爾多瓦2:0，獨取兩球嘅美斯仲將單年入球紀錄推高至88球，近7次正選落場入波都打孖嚟，表現真係神級。再者美斯依家每入一球都會將紀錄推高，需知道一年入80+真係唔容易，相信球王實趁機會將紀錄有咁高推咁高。至於喺西盃交出助攻、賽後畀教練維蘭路華稱讚嘅韋拿，長抖後狀態回復得八八九九，只要搵番射門觸覺，絕對係另一部可怕嘅入球機器。
吼實3:2、3:3波膽

至於馬體會近兩場喪入9球兼1球不失，弗到咁嚟到魯營梗係想贏波拎晒3分，不過要做好防守工作之餘，前線把唔把握到入球機會都非常重要，但係入波重責落喺上輪西甲個人包辦5球嘅「老虎」法卡奧身上，相信主帥施蒙尼都可以放心。

雖然落後榜首巴塞6分排第2嘅馬體會，要作客魯營係難踢，不過換個角度睇，呢個係同巴塞縮窄差距嘅好機會，所以「張峰」相信馬體會唔會踢得太保守，加上進攻先係佢哋最耍家，豁出去踢話唔定有意外收穫。今晚除咗入球大可取，不妨小注一啲大波膽，好似3:2、3:3等，睇吓美斯今晚有幾多進帳先。
張峰來料：巴塞隆拿（入球大）