聖日耳門着火大起里

猪拉多纳

周一凌晨有場法甲大波，巴黎聖日耳門主場惡鬥里昂，雙方為爭標都會去盡，捧大盤！目前PSG僅落後里昂三分，贏波就可追上對手，王牌射手伊巴謙莫域近三場聯賽入五球狀態勇，里昂亦有利辛度盧比斯復出攻堅，咁嘅牌頭，入波又點會少？

（周一凌晨4時開賽）

PSG近兩季大灑金錢，打造出超級陣容，捧走法甲冠軍係基本要求，但因為開季成績一般，故目前僅排第二，今場主場出擊有機會追上里昂，肯定搏晒老命。伊巴謙於法甲超晒班，上仗鬥華倫西恩斯「戴帽」弗爆，入波機會極高。里昂近期亦好生猛，作客亦唔會縮，捧大啱數。

另外睇多兩場荷甲，烏德勒支主場對海倫芬，海軍本季作客未贏過，而且烏德勒支近五次主場對海軍全數開大，值得再追。另一場阿積士係威廉二世剋星，近五次對賽全勝兼唔止贏一粒，今輪作客讓波照捧「讓球客勝」。