皇馬讓得辣照起筷！

猪拉多纳

再歎最愛私房菜

眼見同市死敵馬體會要硬撼巴塞，相比之下，皇家馬德里今輪主場面對另一支巴塞隆拿市球隊愛斯賓奴，明顯輕鬆得多。雖然皇馬近況較為反覆，但愛奴今季實在曳到唔恨，換帥後依然冇起色，加上近７次碰頭「銀河艦隊」贏晒兼未失過波，捧「讓球主勝」。

（now 632周一凌晨２時直播）

皇馬上周中西盃作客輸畀切爾達，不但終止４連勝，中鋒賓施馬亦告受傷，王牌C朗同比比因大踢茅波都冇被逐而備受爭議。不過有危先至有機，教頭莫連奴最擅長轉危為安，由於賓施馬同希古恩都唔出得，反而因禍得福，莫帥索性用愛將C朗擔任佢最鍾意的單箭頭位置，呢位葡萄牙球星一向射門欲強，打中鋒令佢有更多機會埋門。
近７對碰愛奴全敗

最重要係對手愛斯賓奴實在太差，債台高築年年賣人，實力每況愈下，少帥普捷天奴巧婦難為無米炊，最終慘食無情雞。雖有曾帶領馬體會取得歐聯席位的教頭艾古爾接班，並且止住頹勢連續兩場未輸過，但呢位墨西哥籍老帥明顯仲未執掂隊波，尤其係防線仲係立立亂，上仗能賽和西維爾，同對手雷恩斯被逐不無關係。翻查紀錄，愛奴名副其實係皇馬嘅「私房菜」，皇馬不但近７次對陣全勝，而且一球都未失過，呢場就算讓到２球都未驚過，「讓球主勝」冇甩拖。