漢堡冇雲達華治仲醒神

猪拉多纳

球迷睇波梗鍾意睇球星，不過有球星唔在陣又唔一定會出事喎，漢堡自從有荷蘭王牌中場雲達華治受傷後，戰績居然不跌反升，成隊波反而更加團結，今晚作客有兩名主力停賽嘅利華古遜，以漢堡近期強勁走勢，有望可以搶到分過冬，2.45倍「讓球客勝」抵玩啦！

（有線61、64及中央5台周六晚10:30直播）
利華古遜兩大守將停賽

開季差勁嘅漢堡原本徘徊喺降班邊緣，中場雲達華治喺上月尾不敵杜塞爾多夫一役重傷，漢堡戰績竟然極速反彈，近3場聯賽有2勝1和，包括擊敗歐聯分子史浩克。漢堡教練芬克信心爆棚，講明會以歐洲賽資格為目標，仲表明雲達華治受傷呢段時間，亦係其他球員爭取表現嘅好機會，好似中場托爾基阿斯蘭同拉脫維亞前鋒魯迪尼夫斯就成功彈出。

利華古遜上場輸畀漢諾威後，已經畀拜仁慕尼黑拋離超過10分，最弊係兩大後防丹尼爾卡華積同連拿迪斯今場都要停賽，防守力大打折扣，今晚唔容易擊敗走勢強勁嘅漢堡。
頂占筍盤：漢堡（讓球客勝）