艾達倒戈 漢堡趁「細」搶利華

猪拉多纳

德甲利華古遜主場對漢堡，焦點人物當然係前德國首席門將艾達，如今代表漢堡面對遺棄佢嘅舊主，必然瞓身踢爭氣波，殘陣嘅利華要入佢波絕對唔容易，Oliver推介2.1倍嘅細盤同2.45倍嘅漢堡「讓球客勝」。

（有線61及64台周六晚10時30分直播）

艾達外形俊朗，反應奇快而且水準穩定，係利華青訓傑作，07年2月德甲利華對史浩克04，當時因為正選門將佐治畢特停賽，艾達得以首次亮相德甲並一鳴驚人，憑佢全場作出10次神勇撲救，協助利華喺劣勢下以1比0勝出，迅即竄紅，翌年就搶到國家隊首席門將位置，可惜繼後不斷受傷患困擾，不但國家隊首席門將位置拱手讓予紐亞，喺利華亦全面失勢，雖然上季已經完全康復，但利華堅持倚重取代佢嘅小將賓特尼奴，艾達上季坐足全季冷板，但鬥心未失，今夏終於以自由身加盟漢堡。
轉投漢堡迅即重生

現年只有27歲嘅艾達去到漢堡迅即重生，今季為球隊踢足16場德甲，多場賽事憑一己之力屢救險球拯救漢堡，帶領球隊取得目前聯賽第7位佳績，漢堡今季聯賽失球數字之少排德甲第3，失波仲少過出名防守好嘅衞冕多蒙持，艾達確居功至偉，難怪可以重返國家隊。今晚佢終於有機會重返拜亞球場遇舊主，點會唔踢爭氣波？

漢堡近3仗2勝1和表現十分爭氣，艾達嘅神勇令全隊愈踢愈有信心，今場作客對啱啱輸完波嘅利華唔係冇得踢，主隊守將卡特歷、舒華比同奧馬托柏克繼續養傷，攻擊中場悉尼森姆亦加入傷兵行列，加上丹尼爾卡華積同連拿迪斯雙雙停賽，陣容嚴重不整，今晚未必啃得落漢堡。
Oliver 推介：

利華古遜細 ★★★

漢堡讓球勝 ★★★

弗賴堡下盤 ★★★