紅軍熱W買佢怕 鬥維拉揀大好過

猪拉多纳

一句說話要變成金句，必定要經得起時間考驗；而「若要生活好，咪買利物浦」被講足超過10年，喺球心目中呢兩話早已膾炙人口，已成所有投X者心目中嘅金科玉律。紅軍上場聯賽冇「哨牙蘇」蘇亞雷斯下作客韋斯咸被一致睇淡，但偏偏佢又贏畀你睇，絕對係「估佢唔到」另一鐵證。今輪主場迎戰阿士東維拉，細鬼真係買佢怕，唔諗勝負，揀個大盤好過。
咪畀哨牙蘇復出呃到

紅軍一向係海鮮波，表現好唔穩定，近期連贏2場後，聯賽榜同第4位嘅愛華頓只差4分，令一班「紅粉」又再次充滿希望；不過唔好怪細鬼立壞心腸，我認為利物浦會貫徹佢哋表現飄忽嘅本色，再一次令粉絲失望。睇牌面，今仗蘇亞雷斯復出，球隊陣容回復完整，面對維拉主W熱到1.26倍，睇嚟係不勝無歸嘅格局。不過紅軍本季英超主勝率始終偏低，唔好話「讓球主勝」惡開，分分鐘呢班衰波主W都保唔住。

維拉近期有起色，賓迪基同安祖斯韋文都弗爆，乘勇必同紅軍砌過。與其估今戰誰勝誰負，細鬼寧願要大盤實際得多。

（有線301及201台周六晚11時直播）