拜仁做好戲大炒「格」

猪拉多纳

喺歐聯大炒巴迪嘅拜仁慕尼黑，中堅謝路美保定鹵莽犯規紅牌被逐，令體育總監森馬考慮改變毋須增兵嘅初衷，防線隨時大變天。今晚德甲作客奧格斯堡班球員實醒醒定定唔失波，做場好戲博教練軒歷基斯歡心，1.58倍「讓客」值博。

（有線61周六晚10:30直播）
奧格斯堡遇強即死

喺歐聯大炒巴迪嘅拜仁取得首名出線本屬喜事，但謝路美保定嘅鹵莽領紅停賽3場，月初畢斯杜巴又十字韌帶撕裂長抖，令體育總監森馬重燃冬季轉會窗羅致守將嘅打算。咁嘅環境班球員有咩差池隨時連落場機會都冇埋，仲唔醒醒定定呀！況且前鋒線嘅馬里奧高美斯、湯馬士梅拿同文迪蘇傑火力持續強勁，要大炒對手唔難！

至於以8分喺榜尾徘徊嘅奧格斯堡，近2仗主場對中游嘅慕遜加柏同弗賴堡，領先下被追和仲可以頂到尾，睇落表現唔曳，但對住三甲分子利華古遜同多蒙特就潰不成軍，兩場都被對手遙遙領先後先有破蛋機會，今晚對住矢志做好防務嘅「一哥」拜仁，隨時捧蛋輸波收場。