雷丁受讓屆修成期

猪拉多纳

近排外籍大戶手風唔順，一年總有啲時候會出現呢啲情況，但佢哋啲數計得準，經過一輪調整後，預期可以回氣再贏。講番今次推介，英超賽事修咸頓主場對雷丁，兩隊級數相近，雷丁連場輸波後有機會止血，受讓要下盤！

（有線305台周六晚11時直播）
修咸頓防線曳讓唔起

雷丁上次同曼聯鬥入波僅敗，連續三場輸波，不過，單計表現佢哋絕對唔失禮。呢班波本身人腳唔算好強，預期都係要護級，但佢哋勝在夾慣夾熟，攻力都算唔弱，今次對住同級球隊修咸頓梗係有得踢啦。今場大部分莊家開出修咸頓讓平半至半球，呢隊波本身防守唔掂，讓波真係好擇使，睇怕今次都係贏唔到，下盤值得一試。

同日西甲賽事皇家蘇斯達主場對基達菲，兩隊近況都唔錯，皇蘇主場不嬲犀利，上場佢哋喺客場發威，成功狂數華倫西亞，真係唔講得笑，依家隊中一眾進攻球員個個打起晒信心，絕對唔易對付。基達菲向來主強客弱，離開自己地頭惡極有限，皇蘇讓半球盤口合理，可望順利贏波贏盤，一於要上盤！

（now 632周六晚11時直播）
肥叔心水

禾夫斯堡 下盤、大

史特加 下盤

阿仙奴 大

雷丁 下盤

車路士 上盤

皇家蘇斯達 上盤

阿特蘭大 上盤

法蘭克福 上盤