亨克巴素利和波有默契

猪拉多纳

歐霸盃最後一輪分組賽，最緊要睇形勢做人，當中G組亨克主場對巴素利，特別值得留意，事關好大機會出現「默契和波」。雙方打和，主隊可以首名出線，客軍亦可順利晉級，情況同歐聯薩克達對祖雲達斯一樣。今場和波賠率亦偏低，僅得2.35倍，可以一博。

（周五凌晨4時05分開賽）

歐霸盃小組首名可於32強抽籤時，被編為種子球隊，因此就算比利時球隊亨克已取得出線權，仍希望保持首名地位。由於首循環交手時打和2比2，如果亨克今場輸波，就會被巴素利搶走小組首名，相信佢哋會額外小心，即使主場出擊，亦唔會勉強求勝，否則被對手偷襲就因小失大。

瑞士球隊巴素利今屆賽事表現麻麻，兩場作客只得一和一負，估計佢哋唔敢奢望今仗贏波而回，最緊要係穩陣攞一分晉級。形勢驅使下，的確好大誘因令雙方和氣收場。
迪尼普鬥AIK吼細

另外，F組烏克蘭迪尼普已穩奪首名，主場對已出局嘅瑞典AIK蘇納，草草了事入波唔會多，要入球細。同組拿玻里主場對燕豪芬，拿玻里肯定次名出線，加上佢哋慣派副選踢歐霸盃，讓唔起燕豪芬。