哥本哈根星隊「大」駁火

猪拉多纳

歐霸盃Ｅ組出線形勢微妙，丹超哥本哈根主場鬥羅馬尼亞勁旅布加勒斯特星隊，哥軍雖然贏１比０就晉級，但邊計得咁盡；更過癮係星隊入波的話，哥軍贏２比１都九成出局，所以千算萬算，不如入多兩粒穩陣，捧大盤！

（有線63及203台周五凌晨２時直播）
哥軍計得失球焗攻

先講講此組形勢，星隊10分居首，史特加８分次之，哥軍７分第三，莫迪３分已出局。史特加今輪主場鬥弱旅莫迪，贏波就可以出線；所以哥軍要晉級就必須贏波，並要贏２球差距，或者勝１比０（憑得失球差較佳出線）。哥軍主場威力好勁，於丹超10戰９勝，今仗目標鮮明，肯定喪攻爭取入波。布軍上輪主場被史特加大炒５比１，創下球會歷史上歐戰最大敗仗，呢場和波出線情況下，亦唔會採取守勢，捧大最好。