美斯搶韁巴塞勢炒賓菲加

猪拉多纳

美斯會踢！喺歐聯G組已穩奪首名出線資格嘅巴塞，今晚喺分組賽最後一戰主場鬥賓菲加，本來係例行公事，但美斯請纓落場，只為挑戰梅拿嘅單年入85球世界紀錄。有球王落場，要大勝有幾難？捧2.12倍巴塞「讓球主勝」。

（有線64及204周四凌晨3:45直播）
蒙度亞 法比仔正選

美斯人逢喜事精神爽，被狗仔隊影到佢一家大細出去Shopping都冇發脾氣，做咗老竇嘅佢繼上周五帶埋囝囝Thiago返魯營後，前日又再拉隊去賓度屋企玩，令班波嘅氣氛和諧溫馨。喺2012年已經入咗84球嘅美斯，只差1球就可以平紀錄，隊友點會唔識做吖？力奇搵過料，巴塞今仗人腳唔太曳，只得小將馬田蒙度亞會頂替丹尼爾踢右閘，中場由法比加斯代替沙維，另外恩尼斯達、馬斯真蘭奴同佐迪艾巴雖然都會抖，但仲有韋拿同布斯基斯等頂住。

賓菲加贏波就肯定出線，但佢哋已經30年未贏過西班牙球隊，中場艾馬、伊度亞度沙維奧、安素佩雷斯同卡路士馬田斯又話要養傷，實力進一步削弱，而且守將安達臣雷沙奧罰停賽2個月後復出冇耐，狀態成疑，防線有漏洞，多多都唔夠輸啦。

歐聯G組