巴塞半場大得起

猪拉多纳

賓菲加焗攻爭出線

歐聯G組最後一輪比賽，巴塞隆拿主場對賓菲加，另有些路迪主場對莫斯科斯巴達。略為交代晉級形勢，巴塞隆拿已取首名晉級資格，餘下一個十六強席位就由些路迪及賓菲加爭奪。雙方暫時同分，對賽成績則以賓菲加較佳。今晚巨高睇好巴塞「半場大」及些路迪主勝。

先同大家研究巴塞主場對賓菲加，前者已經出線，今場好可能派副選落場，但大家都知巴塞班後備兵團質素都好高，難得有機會落場肯定盡情表現，值得一提係球王美斯今場主動要求出戰，欲打破梅拿年度入球紀錄，所以今仗巴塞同賓菲加鬥攻絕唔出奇。對手賓菲加因對賽成績好過些路迪，所以今場贏巴塞就肯定晉級，有理由相信呢支里斯本球隊一樣會主攻求勝：心態夠積極有利於爭取入球，1.5球中位數「半場大」係唔錯嘅選擇。

（有線64及204台周四凌晨3時45分直播）
些路迪鬥心勝斯巴達

另一場些路迪主場對莫斯科斯巴達，主W可以優先考慮。莫斯科斯巴達今屆分組賽踢得差已經出局，今次遠赴蘇格蘭只不過當係去旅行！相反，些路迪要出線就唔可以輸，鬥志十足揀主W合理不過。

（周四凌晨3時45分開賽）