杜塞爾多夫受讓有計

猪拉多纳

法蘭克福跌Watt，近6戰僅1勝

德甲兩支新升班球隊今晚碰頭，由杜塞爾多夫迎戰表現下滑嘅法蘭克福，雖然法軍穩佔聯賽榜前列位置，但杜塞爾多夫銳意加強進攻後戰績反彈，有力喺今場搶分，受讓梗捧1.62倍「讓主」啦！（有線64及204周六凌晨3:30直播）
杜軍轉踢進攻足球有睇頭

杜塞爾多夫升上德甲後，戰績一直都麻麻，但近期居然先勝漢堡，再作客逼和衞冕冠軍多蒙特，表現大躍進！賽前已經暫時脫離降級區嘅杜塞爾多夫，戰績突然咁好，全因為佢哋終於揸定主意，犧牲防守大打進攻足球，佢哋由開季首9戰得7球進帳嘅劣績，「進化」到近5戰就攻入7球，當中土炮殺手列辛加近2仗都有波入，狀態大勇，今鋪食住個勢迎戰法蘭克福，真係未必輸o架。

對家法蘭克福開季係威係勢，但近排表現大走樣，除咗上周末作客賽和史浩克算叫做有個交代之外，近6場只係贏過擺明唔夠班嘅奧格斯堡，上仗更被緬恩斯打破主場不敗身，士氣唔差就假啦！而且後防大將安達臣蘇亞雷斯肌肉受傷，做完手術要抖到歇冬後先可以復出，對法蘭克福絕對係一個致命打擊，防線唔穩，仲憑咩讓波先？