巴塞遇丙組仔照大開殺戒

猪拉多纳

今晚繼續有西班牙盃玩，焦點當然係西甲班霸巴塞隆拿。咪以為「地上最強」Lead緊丙組嘅艾拉維斯3粒就會收手，查實佢哋近屆往往喺次回合先大開殺戒，傷兵滿營嘅艾拉維斯去到魯營想輸少粒都難，中位數3.5球嘅入球大有1.65倍有買趁手。

（now632台周四凌晨4:30直播）

由於有明文規定西盃嘅大軍名單起碼要有7位一隊成員（一隊後備都算係），所以今場巴塞陣容差極有個譜，首回合即使收起美斯，依然靠韋拿、恩尼斯達同法比加斯各建一功，作客大炒艾拉維斯3蛋。消息話右閘丹尼爾拉傷右腳肌肉要抖15至20日，但另一位天才球星艾錫古恩卡就傷愈候命，搭住基斯甸泰路等上位生力軍，美斯唔踢都夠揪啦！
艾拉維斯陣容天殘地缺

對手艾拉維斯今仗係除咗中場比奧比迪同前鋒魯賓尼格度之外，就連正、副選門將米基爾同伊度里奧斯都打埋柴，今仗焗用19歲嘅沙治奧靴里拉把關。亨格比利睇番近3屆西盃戰績，發現巴塞加入戰團後往往喺次回合先嚟料，至少都省對手5粒，橫掂「讓主」得1.5倍冇乜分頭，博大似乎仲好路。
西盃賽制

採主客兩回合淘汰制，今輪為第4圈次回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。