票数降临胜利就手

猪拉多纳

　　周某一睇今期赛事排位，已经估到好幾场大热门係边幾匹马，唔係周某叻，而係「太阳好好」、「蒜头仔」同「欢乐时光」嘅星味实在太浓，令马迷好难唔拣佢哋。不过有样嘢係周某估唔到嘅，唔知係咪有人觉得「蒜头仔」个P一定冇肉食，所以隔晚买W唔买P，搞到佢W热P冷，最好睇定啲先买佢。

　　怪飞马拣场低班赛事，「胜利就手」呢匹马今季转咗霍廐，跑咗两仗，捧场客都唔敢贸贸然行动，即使转仓初出一仗跑第四，接战竟然仲有20倍，结果後追得第五。经过两场洗礼，霍利时今次搵柏宝帮手，捧场客终於郁手，匹马隔晚卖到3.7倍，相信係时候开饭了，周某唔客气啦。

　　骑师王方面，噚晚开盘冇幾耐，赔率立即有变动，霍励贤由14倍跌至12倍，操盘手睇嚟对呢位骑师幾有信心，一於要捧场。周仲