富国强驹神奇飞龙自成一格比你高

猪拉多纳

　　今日田草10场赛事，就算场地没有受到天雨影响，快极有限，再讲，C栏赛道不算特别利追，唔係拥有极强後劲，唔易克服场地偏差。

　　第1场 第四班（60-40分） 1000米

　　「路路好」及「开心欢笑」，两驹上赛在不利跑线，末段仍可力迫季内两胜「军刀」，演出水準要尊重。

　　「十二门徒」步大带点论尽，初出拣直路赛啱。「合骏腾飞」进度只可讲得上及格，跑班。「尚骏心」跑落冇大进展。「万事盛」够快，但断得仲快，除非临场情绪转趋安定，始有转机。

　　第4场 第五班（40-0分） 1400米

　　「胜利就手」刚仗蚀位多，追势则劲，若今场一如预料，形势利佢。「骏威煌」今季冇边场係真输，本身亦已累积够跑头，差不多係时间出击。

　　「大将军」冇料，係赢1档及中置跑法。「鼓浪春风」跟得急一样赢，上赛唔简单。「团队福星」愈跑愈唔似样。「电讯超星」刚仗追势不强，输近赛绩勿放大，顶多争P。

　　第3场 第三班（80-60分） 1200米

　　「马主明星」正头正路回到此程，档靓而赛前做得嘢，重现威力成数高。「太阳好好」转马房即赢，能力摆明已经增值，值得再追。

　　「喜莲芳芬」只可以希望缩程第二回，能够跑番好啲。「轰炸机」刚仗殿军毫不特别，但今场可拣之马不多，已要考虑。「好易搵」初出跑至末段唔觉有加速，又係唔好放大初出表现。「战士」难赢，但够资格入围。

　　第4场 第四班（60-40分） 1200米

　　「帝圣骏驹」8月曾停工个幾月，不过，近两月操得足，大闸走势轻鬆且贯注到尾，进度有八分以上，已经足够在今场争胜。

　　「红衣神仙」加配备有效，问题係再出起到幾多刺激作用，兼且重磅有幾大影响？「中国天使」除配备及换小将，唔係坏事。「各适其适」及「上海先锋」属今场的边线配脚。

　　第5场 第四班（60-40分） 1400米

　　「富国强驹」跑一场转一次路程，第三回增至1400米，以佢两役末段起动时间均迟，加程係顾及所需。总之，未熟已能赢，级数极高。

　　「神奇飞龙」2档预咗赚，评分则渐摸顶。「多胜熊」上场係真进步，抑或内栏受惠，带点怀疑，今场可以引證。「喜宝龙威」回到四班唔易争。

　　「比你高」及「威祥」上场1200米齐齐追得劲，纯以末段势头，後驹比较讨好，但其实前驹赛前备战严重不足，当然，今场增程要考验长力。「自成一格」习惯侧头，排1档对发挥帮助大，之前两课闸试得好，睇心意係做够搏今场。「好事必得」加程只係博博吓。

　　第6场 第四班（60-40分） 1600米

　　「皇帝谕令」由於上场二三段拖得慢，引致末段追唔切，寄望今场多马走且加程，发挥会唔同。

　　「蜚声国际」刚赛与前驹差不多，又係输在步速慢，加配备得唔得未知，赛事环境则较理想。

　　「金銮大殿」搏到第三仗，又要面对缩程，唔係冇困难。「超光越影」及「精彩生辉」，有班底，近仗唔係跑得曳，配脚可考虑。

　　第7场 第三班（80-60分）1400米

　　「快人一步」上赛前只係觉得早课冇去季咁懒散，跑姿冇咁「啷」，变化係得咁多，落场跑却交出极强衝刺，稍有转变已经有嘢睇，底质幾劲。跑完跳多幾课，走势省镜得多，本身外地跑开中程，转程唔担心，有权赢埋。眼中钉係「欢乐时光」，两出两捷，已经摆明超级。「好心思」早课人马幾夹，如安国伦阵上舞得掂，将对前驹构成更大威胁。「风雲」三班未叻过，但全部係1600米，今仗缩回此程，希望增添一线希望。「名采」初出之前工夫唔对路，热身後有正常準备，可能好好多。

　　第8场 第一班（110-90分） 1400米

　　「人人兴旺」唔用小将，亦做足準备，搏马心态彰显。「绿色好」轻磅跑此程，能力远比前仗强，今仗条件相若。

　　「缔造美丽」是赛形势合适，但能力渐退係事实。「如願以偿」係靠轻磅及好档争P。馀驹以「傲男」及「超群名驹」勉强可以留意。

　　第9场 第三班（80-60分） 1600米

　　「蒜头仔」级数高，锐气盛，马胆之选。「喜胜多」上场已作首选，赢得出色，升班也不怕。

　　「夺金」上赛稍为失望，唔报长途难突破。「喜来仙子」10月中脚伤退出，一周後复课，往後唔使就住操，大闸亦试得唔错，复出咪睇小。

　　「乐有赢」、「乐驰」和「博爱福星」属今仗冷脚。

　　第10场 第二班（95-75分） 1400米

　　「贝利高」今仗未必再似近两场，早段有对手鬥烧，畀佢放得顺、步速掌控得好，唔易被反先。

　　「绰力之城」、「育成王子」及「绿色快驹」乃热门实力马。「闪烁武士」开气後唔加程，不易保持。

　　「坚旺财」卡士够，最有资格推翻一切係佢。「正白旗」唔容易再出现类似上场赢马时际遇。