QPR終於炒曉士 安里兄弟送大禮

猪拉多纳

費迪南兄弟做「大」騷！曼聯今晚喺主場迎戰昆士柏流浪，賽前QPR班主終於肯炒領隊曉士，有意搵名帥夏利列納接手，證明佢真係想發奮圖強搞番好隊波，可惜安頓費迪南領軍嘅QPR防線場場有失波，佢大佬「紅魔鬼」中堅里奧近排又孭晒鑊，咁搞法，都係捧中位數3.5球、有1.9倍嘅入球大最好！

（有線200及300、廣東體育周六晚11:00直播）

曼聯連續兩場都係輸0:1，雖然周中歐聯對加拉塔沙雷嗰場風流波擺明唔志在，但「紅魔」嘅狀態同巔峰嗰陣真係差好遠，尤其係中堅里奧費迪南急速退化，班新人又未頂到佢個位，條防線形同虛設，最近14戰竟然只得1場零失球，QPR只要加把勁，要隊番曼聯一兩粒絕對唔係問題。
紅魔近3場英超僅熟

「紅魔」最得人驚嘅地方，係尹佩斯同朗尼一對前鋒，況且佢兩位大佬周中歐聯都冇上陣，最新消息就肯定咗佢兩個會擔正，「後備殺手」查維亞靴南迪斯又隨時候命，今場入2、3粒係最低消費。不過大家要留意一點，就係因為防線唔掂，搞到曼聯對上3場英超都係贏一球僅熟，呢個「讓球主勝」唔係食硬o架。
QPR助教做暫代領隊

對家昆士柏今季未開齋「穩守」榜尾，領隊曉士尋晚正式收大信封，消息話夏利列納好大機會接掌QPR，呢場波就暫時由助教馬克保雲領軍。係，QPR好似終於發奮想翻身咁，而且佢哋件前鋒施斯同中場泰拉拔都係好波之人，可惜中堅安頓費迪南恃住係名將細佬，冇料到依然穩坐正選，QPR仲憑咩力保不失？既然兩軍防線都有「炸彈費迪南」壓陣，呢個1.9倍入球大，真係抵捧到震啦！
開大王曼聯對賽一面倒

‧曼聯近10仗主場出擊取得8勝，今季英超主場5戰全開大。

‧近10次對賽，曼聯取得9勝1和。

‧QPR本季聯賽仍未開齋，近5次英超作客更全敗。
頂占筍盤：曼聯（入球大）