甘素復出聖保羅當旺秤先

猪拉多纳

南球盃4強首回合聽朝連環爆發，嚟自智利嘅天主教大學會喺主場迎戰巴甲勁旅聖保羅，未必頂得住對方。最近聖保羅有季中簽入嘅巴西國家隊中場甘素傷愈復出，而且呢場係原本踢阿仙奴嘅中場丹尼臣，個人第100次為聖保羅上陣，2.12倍客W值捧！

（有線61及201周五早上6:15直播）
天主教大學防線唔齊腳

天主教大學上一圈兩回合計以4:3險勝獨立隊，呢場波嘅隱憂係近排佢哋要應付埋智利盃，根本唔能夠專心爭奪南球盃冠軍。更何況，現時天主教大學防線依然未齊腳，後衞馬迪亞斯佩雷斯、大衞軒歷基及基斯甸艾華利斯仲養緊傷，加上中場哥迪洛上圈次回合領紅，今場停賽肯定唔踢得，當然唔值得睇好。

相反聖保羅有中場甘素傷愈，日前喺巴甲後備上陣，結果帶挈聖保羅以2:1砌低紐迪高，而且佢旺氣逼人，射手路爾斯法比安奴入波不特止，門將羅渣里奧仲射入12碼，應可贏多場慶祝丹尼臣第100次上陣！