安治守「細」波抵捧

猪拉多纳

烏甸包尾搶分焗攻

有名帥希丁克執教嘅安治，喺歐霸盃成功以守勢波佔據A組榜首，今晚主場迎戰焗攻保住出線希望嘅烏甸尼斯，睇好佢哋繼續守得出色，1.9倍入球細要捧。

（有線64及204周五凌晨1:00直播）
鐵桶陣4場只失2球

目前A組4隊都仲有出線機會，形勢複雜。雖然安治4場入4球係同組攻力最弱嗰隊，不過佢哋最煞食係打守勢波，同排第2嘅利物浦都失咗7球相比，佢哋只係失2球，成功「守」到個榜首返嚟。再者安治前線有經驗豐富嘅伊度奧搭住表現搶鏡、受國米青睞嘅高大前鋒拉仙拿查奧爾攻堅，隨時偷雞入1球又守到尾。

相反烏甸尼斯上輪主場同年青人搏命，最終搏輸2:3跌落榜尾，想保住一絲出線希望嘅話，今晚又要搏過。之但係後防貝拿迪亞同中場拿沙利幾位球員因傷冇隨隊外，喺前線拍住迪拿達利搵食嘅馬高素爾亦冇得上陣，得番迪拿達利喺前線單挑安治鐵桶陣，睇怕都係孤掌難鳴。

歐霸盃A組