AEL利馬素二隊慕險

猪拉多纳

Alwin今日主力同大家研究兩場有德甲球隊參與嘅歐霸盃賽事，建議大家捧慕遜加柏同反漢諾威。

先講C組慕遜加柏主場迎戰塞浦路斯AEL利馬素，C組榜首費倫巴治暫以4戰得10分拋離群雄，慕遜加柏同馬賽目前同得5分並列次席，想爭出線今仗主場出擊非勝不可。慕遜加柏今季花大錢後成績倒退，教頭法夫爾已經開始受到壓力，今晚必定強陣爭勝，佢哋首循環作客對AEL利馬素之役佔盡上風，只係前線離奇地瘋狂失機，於補時更射失12碼，最終互交白卷，但戰情其實一面倒得好交關。何況AEL利馬素本身喺塞浦路斯聯賽成績都唔叻，目前只排第4，佢哋喺歐霸盃小組4戰只得1分出線渺茫，教練佐治哥斯達賽前講明集中聯賽，今場作客派二隊交差，佢哋過去兩場歐霸作客都輸兩球或以上，今晚半放棄態度預期輸得更甘，撐1.78倍慕遜加柏「讓球主勝」。

（周五凌晨4時05分開賽）
漢諾威收工留力聯賽

至於漢諾威主場鬥荷蘭川迪就唔同講法，漢諾威喺L組已經提前出線，由於本身兵源有限，近期經連拚後疲態畢露，連喺上季不敗嘅主場亦一再輸波，佢哋踢完今仗不足48小時就要喺德甲作客硬撼拜仁慕尼黑，呢場例行公事對住力爭出線嘅川迪輸埋都唔奇。

（周五凌晨2時開賽）
Alwin 推介：

慕遜加柏讓球主勝 ★★★★

川迪讓球客勝 ★★★★

迪尼普讓球客勝 ★★★