魯賓卡山寒戰捧W

猪拉多纳

今晚歐霸盃賽事花多眼亂，阿King特別精選三場推介畀大家，分別係H組魯賓卡山主勝、I組布拉格斯巴達主勝及E組莫迪大盤，三串一過關有7.4倍夠和味。
國米作客凍到腳震

先講H組魯賓卡山主場鬥國際米蘭，兩軍都已穩奪出線權，由於雙方首循環踢成二比二，今場邊隊贏波便可肯定取得小組首名，不過國米於歐霸盃多派副選上陣，而且首、次名對佢哋嚟講根本分別不大，相信有主場之利嘅魯賓卡山會對首名較着緊。魯賓卡山近六場主場贏五仗，而且俄羅斯目前正值嚴寒，國米作客凍到腳震唔易踢，1.92倍主W可捧。

（周五凌晨1時開賽）

另外I組布拉格斯巴達主場對里昂，里昂分組賽四戰全勝亦已肯定晉級，今場或收起部分主力，布拉格斯巴達贏波便出線，戰意鮮明值得信賴，捧主W。最後E組莫迪主場鬥哥本哈根，兩軍出線未絕望，但大前提要在今場全取三分，否則只會益咗同組嘅史特加，相信兩軍會毫無保留鬥攻，捧大盤。