森巴狂鋒摧毀阿根廷

猪拉多纳

限派南美聯賽球員 尼馬孭飛超班

大家今晚睇完歐聯大戰之後，唔好唔記得朝早仲有場阿根廷對巴西嘅好波呀！呢場「美洲超級經典大戰」次回合，由於只限起用喺南美洲搵食嘅球員，即係話一眾外流歐洲巨星全部冇份。咁嘅情況對阿根廷嘅影響絕對大過巴西，小妹當然力撐「森巴兵團」繼首回合贏2:1後，今場喺死敵地頭威多鋪啦，一於撐2.4倍客勝！

（開賽時間：周四早上8:00）
阿根廷冷板二線兵未夾慣

呢場喺小保加主場拿邦保拿利球場上演嘅熱身賽，論星味的確一般，皆因踢緊歐洲聯賽嘅卡卡、美斯、阿古路等歐洲巨星統統冇份！不過論影響就似乎對阿根廷嚴重啲喇，冇咗今年8場國家隊賽勁入12球嘅隊長美斯不特止，阿古路、馬斯真蘭奴同迪馬利亞呢批主力全部缺陣，獲召嘅大部分都係不足5頂「喼帽」嘅二線土炮，唔係夾慣夾熟，表現實在難以預期，喺自己地頭都未必惡得出。
巴西神射手費特候命

雖然巴西中後場都有唔少新面孔，但講到鋒線就大超班喇！除咗山度士「新球王」尼馬同埋國際體育會嘅李安度達美奧繼續拍住上，領隊文奴文尼斯亦召入咗巴甲新科冠軍嘅富明尼斯射手費特，呢位巴甲神射手喺今季入咗19球，絕對係富明尼斯奪冠嘅功臣之一！何況丹尼爾、「大哨」等前輩近日紛紛出嚟批評尼馬唔轉戰歐洲就會原地踏步，呢位「山度士球王」梗係想出多幾分力證明自己啦！有呢幾大射手撐場，要延續近6次對賽4次不敗嘅戰績實在唔難，一於趁對手唔齊腳贏埋佢啦！
兩軍對壘專開大

‧近6次對賽，巴西得3勝1和，稍為佔優。

‧2012年兩軍2次對戰都開出入球大及半場大。

‧巴西近10場賽事有7次至少產生3個入球，阿根廷則有8場。
攻強於守利入球大

巴西及阿根廷近年喺國際大賽表現雖然失色，但兩軍仍然堅持大打進攻足球，尤其今場主要起用南美洲聯賽球員，踢慣南美波自然擅攻多於守，班二線兵難得有機會入選當然喪踢唔會留力；而且睇番阿、巴兩隊近期賽事都經常出現大手交易，1.8倍入球大值得博o架。

首回合：巴西主勝2:1