安德列治強勢攞Ａ

猪拉多纳

歐聯C組兩場賽事，先講比利時安德列治主場對意甲AC米蘭。兩支球隊今場都會全力爭勝以保晉級機會，近期走勢安德列治肯定比AC米蘭好得多。連同聯賽及歐聯，安德列治已取得五連勝，今場有埋主場之利，絕對有能力打沉AC。AC已連續三場未能勝出，加上剛賽逼和拿玻里耗力甚多，球員體力上或有不及，單靠一個艾沙拉維根本唔足以扭轉劣勢，今場開出平手盤，必捧安德列治。

（有線63及203台周四凌晨3時45分直播）
馬拉加穩守追細

另一場俄羅斯辛尼特主場對西甲馬拉加。經過四輪分組賽後，馬拉加先得10分兼取十六強資格，今場去俄羅斯可以輕鬆心態比賽，亦相信馬拉加唔會太主動，事關和波已可確保小組首名出線，料會縮後防守，盡量拖慢比賽節奏。相反辛尼特一定要搏盡贏波以保晉級機會，但礙於馬拉加守得，預料今場比賽入球數字唔會高，捧細盤。

（有線61及201台周四凌晨1時直播）
馬拉加1分夠首名

C組馬拉加已奪十六強資格，今場如能打和辛尼特就確保小組首名。最後一個晉級席位由AC米蘭、安德列治及辛尼特爭奪。次席AC形勢稍好，今場如能順利擊敗安德列治兼且馬拉加不敗，「紅黑兵團」就可提早一輪出線。而安德列治要出線，今場一定唔輸得畀AC。至於小組包尾嘅辛尼特，贏唔到馬拉加就好危。