波爾多回勇食「賽」咁食

猪拉多纳

射手當旺 近3戰全勝

前排狀態低沉、連續6場冇贏過嘅波爾多，終於走出谷底造出3連勝佳績。今晚聯賽主場對住近況啱啱相反嘅法甲2哥馬賽，勢必趁機過對手頭之餘，兼為歐霸盃出征比利時壯行色，小讓平半嘅1.92倍上盤抵撐！ （開賽時間：周一凌晨4:00）

重上正軌嘅波爾多近3場贏晒不特止，仲要1球都冇失過，簡直Fit到漏。佢哋喺緊接嘅歐霸盃出戰布魯日，如果贏波嘅話，出線機會相當大，當然要食住個勢唔好畀佢停啦！雖然中場嘅安祖樸高、阿布度查奧爾同前鋒迪亞比堤仲養緊傷，不過會長特里奧日前開聲話希望借番舊將查馬克返嚟，連續3場聯賽有進帳嘅箭頭高法蘭想保住個位，今晚肯定搏命！
馬賽傷「鋒」近7戰得1勝

開咧狀態巔峰嘅馬賽，以6連勝奠定2哥地位，不過近期就陷入低潮，7戰只得1勝。今晚除咗箭頭基格納養傷，佐敦阿休同雷米仲分別因停賽及拉傷大腿缺陣，雖然推前一格打前鋒嘅阿休，話想喺戴爾馬球場擊敗對手創造歷史，但條鋒線咁弱，睇怕都好難做到喎！