拿玻里回勇追殺AC

猪拉多纳

剛過去周中無喇喇有個國際賽日，多支名牌國家隊敷衍了事，家陣聯賽踢到如火如荼，啲球員搏得多，打太公波唔慌落力，自然容易出現爆冷賽果，大家都要小心。講番今次推介，拿玻里全面回勇，主場對AC米蘭贏得！

（周日凌晨3時45分開賽）

拿玻里現時係意甲爭標分子，隨住射手卡雲尼弗番，呢班波人腳齊晒，級數真係幾高o架，佢哋上季同AC米蘭係同級球隊，不過，隨住AC星散，依家拿玻里明顯高好多，今次讓到半一，個盤睇落都幾辣，但預期拿玻里都可贏波，呢隻上盤值得留意。
祖記留力歐聯吼拉素

同日另一場意甲大戰祖雲達斯主場對拉素，係人都知「祖記」實力於意甲超班，但大家要留意一點，佢哋嚟緊周中要硬撼車路士，場波真係非常重要，有後顧之憂，仲要讓到一球，實在太多喇，拉素並非弱旅，博下盤。（周日凌晨1時開賽）