阿根廷大報復

猪拉多纳

沙特「蠱惑的槍」嚇親美斯

今晚國際熱身賽最山長水遠之戰，當數阿根廷作客沙特阿拉伯。阿軍遠道而來諗住做貴賓，點知球王美斯一去到機場就被嚇親，唔係畀瘋狂fans嚇，而係傍到佢實嘅「實Q」，竟然冇揸好支槍，槍口全程係咁隊住美斯個頭，唔小心走火就真係大鑊。好彩美斯近期當旺，啱啱做老竇之餘，更成功超越巴西球王比利嘅年度入球紀錄，最終「大步檻過」。男人大丈夫畀人用槍隊住個頭，當然一肚火，相信美斯會喺球場「報仇」，對住實力差幾班嘅沙特唔會客氣，捧大盤啦！（周四凌晨1時開賽）

雖然要長途跋涉出戰，但阿根廷足總為減少美斯體能消耗，特登包架私人飛機接送一眾喺西甲搵食嘅球星，都咪話唔體貼。既然足總咁識做，作為隊長，美斯一定瞓身報國。事實上，美斯真係勒都勒唔住，剛以76個年度入波超越巴西球王比利喺1958年創造嘅75球紀錄，其他隊友阿古路、柏拉斯奧、迪馬利亞個個都着晒火，而「藍白軍」確實攻力強橫，近八仗共斬獲20球，連巴西、德國、烏拉圭等勁旅都畀佢哋轟三粒，都咪話唔得人驚。
沙特豆腐防線

沙特近年表現每況愈下，對住強隊更係任人魚肉，之前就畀西班牙狂炒5蛋，就算有前巴塞隆拿主帥列卡特領軍，相信愛徒美斯都冇面畀，加上熱身賽志在入多幾球娛樂觀眾，難得大細中位數仲係2.5球，大盤有1.5倍咪嫌少。