撐伊朗主場搞掂烏茲別克

猪拉多纳

世界盃亞洲區A組伊朗主場鬥烏茲別克，主隊值得秤先。伊朗四平八穩發揮穩健，上場分組賽擊敗南韓，球隊狀態冒升；烏軍作客戰鬥力減，加上近4次鬥伊朗輸3次，主W被壓到1.57倍，熱得有理。

（now 670周四凌晨零時30分直播）

伊朗目前由前曼聯副練、葡萄牙國家隊領隊奎雷斯掌舵，球隊着重防守，好似之前教葡萄牙一樣難以被擊敗，只係攻力唔算太強，目前分組賽4戰僅入2粒。不過上仗分組賽，於將士用命下力克強敵南韓，成班波士氣即刻唔同晒，今次再喺自己地頭出戰，必乘勝追擊，主W值得（目及）實。
伊拉克夠贏約旦

另一場B組賽事，伊拉克於卡塔爾多哈中立場鬥約旦。伊軍由巴西名宿薛高帶領，球隊雖然4戰不勝，但近2場分別僅敗予日本同澳洲，可謂雖敗不辱，今仗面對約旦非勝不可，主W好路。

（now 670周三晚9時直播）