獨立隊焗攻博大霧

猪拉多纳

明早繼續有南美球會盃8強次回合，頭場智利球隊天主教大學主場對阿根廷兵團獨立隊，獨立隊首回合獲睇好情況下被「天大」逼和2比2，贏唔到不特止，仲畀對手取得兩個作客入球，今仗造訪智利，冇波入就代表出局，唯有焗攻盡快打開紀錄。而天主教大學踢法亦有前冇後，投X首選入球大。

（有線61及201台周五早上6時15分直播）

獨立隊近況唔錯，作客更取得3連勝，演出更勝主場，今次造訪天主教大學，隨時有更佳發揮。

由於形勢上對獨立隊不利，佢哋根本冇得揀，要力爭入波，否則打和0比0或1比1都會被淘汰。事實上，獨立隊作客一向好搶韁，近6場作客有5場開大，更何況今場冇得打守勢波。天主教大學防線亦脆弱，近7仗竟然失咗18球之多，所以唔好以為佢哋主場能夠死守到尾晉級。
波特諾守「細」波

另一支阿根廷球隊堤格雷返回主場對巴拉圭球隊波特諾，堤格雷首回合輸0比1，佢哋近11場僅1勝，恐怕難「奇迹」復甦，波特諾有一球在手，作客亦唔會冒進，宜捧入球細。