般尼茅夫着火捧得過

猪拉多纳

周中英甲快車賽期，較值得留意為般尼茅夫主場對梳士貝利。最近般尼茅夫大打爭氣波，聯賽連盃賽已取得四勝一和，而且入球數字亦相當之高。現時般尼茅夫可謂着晒火，今次對住走勢平淡嘅梳士貝利，阿King深信般尼茅夫可以大勝一場，「讓球主勝」開出機會極高。（周三凌晨3時45分開賽）

般尼茅夫近期所擊敗嘅對手唔差，當中包括前列球隊燦美爾，今仗面對下游球隊梳士貝利當然綽綽有餘。另有一點要留意，就係梳士貝利今季聯賽作客尚未開齋，面對大勇嘅般尼茅夫就較為蝕底。同時間舉行仲有高車士打主場對諾士郡，「高車」近三場都要作客，今次返主場必有較佳發揮，加上近年在主場對諾士郡都交出好成績，今場可捧主W。