基輔戴拿模主場有計

猪拉多纳

波圖「冬」征隨時中伏

歐洲賽事轉咗冬令時間後，對亞洲市場影響都幾大，咪睇小呢一粒鐘呀，因為始終會有部分球迷會頂唔順咁夜選擇瞓覺，令走地投X額下跌o架！不過，歐聯比賽始終留到客，尤其去到分組賽最後幾輪嘅關鍵時刻，預期投X氣氛會愈嚟愈好。肥叔今次睇中場A組賽事，基輔戴拿模主場對波圖，平手盤要基輔！

（周三凌晨3時45分開賽）
聖日耳門「薩」氣「大」

波圖經營有道，近年即使不斷流失主力，但點都搵到新球員頂上，現時仍屬歐洲一線尾球隊，今屆歐聯保持穩定演出，分組賽3場贏晒，勢頭相當唔錯。不過，波圖今次作客基輔考驗好大，一來形勢上佢哋和波都冇壞，影響球員爭勝心態，二來係11月嘅基輔已經入冬，天寒地凍下勢必影響波圖嘅發揮，加上基輔本身戰鬥力又唔弱，天時地利佔優下有力贏番場，平手盤可秤先！

A組另一場由法甲名牌球隊巴黎聖日耳門主場對薩格勒布戴拿模，客隊未夠班打歐聯，志在參與，上次主場都頂唔住聖日耳門，作客大敗機會高，捧大盤！同日C組賽事安德列治主場對辛尼特，俄國富豪球會辛尼特名氣大，打落唔叻，上次主場對安德列治險勝對手，今場作客更難踢，莊家開緊平手盤，橫計掂計，都係捧主隊最正路！