奧厄作客曳益凱沙

猪拉多纳

今晚賽事唔多，阿King想同大家傾下是日二線波，德乙三哥凱沙羅頓實力超班，加上有多名主力復出，主場迎戰奧厄實食冇黐牙，「讓球主勝」可優先留意。

（周二凌晨3時15分開賽）
奧厄客敗率高達8成

雖然上周中於德國盃淨吞拜仁慕尼黑4蛋，但凱沙羅頓點能夠同德國班霸相提並論呢？事實上，凱沙今季於德乙漸入佳境，今仗除有主力守將科利安列度刑滿復出外，中場指揮官鮑祖漢傷愈後逐漸上力，上仗聯賽作客科隆即有士哥，有佢坐鎮中場派牌同後上入楔，令凱沙的進攻瓣數大增，對手奧厄作客曳到無倫，近6仗輸足5場，比率高達8成，真係見到都唔開胃，凱沙大勝冇難度，「讓球主勝」值博。

另外，荷乙榜首馬斯特里赫特攻力強橫，對手鹿特丹斯巴達亦係入得又失得，捧大。而阿甲堤格雷唔單止成績差，連入球能力都欠奉，主場對住競賽會都冇優勢，平手盤揀客軍。