西布朗供奉「大」仙

猪拉多纳

修咸頓入球騷好靈

如果大家有睇開英超預告，以下呢場推介肯定熟口熟面，冇錯，又係捧修咸頓大盤！「聖人」今季聯賽9戰8大，已成為「英超黃大仙」有「球」必應，根本唔知乜叫防守，領隊艾堅斯執唔掂條防線，今晚作客西布朗又係大盤客舔脷時候，橋唔怕舊最緊要受，推介唔怕悶最緊要中，追大！

（有線300及200台周二凌晨4時直播）

首先循例交代修咸頓今季聯賽數據先，9戰失26粒，平均每場接近失3球，當中8場開大，大盤率近9成，買9場中8場，長追長有。
聖人貴價兵復出添攻力

見到隊波防守咁曳，正常教頭都會諗計執吓，「聖人」主帥艾堅斯有做嘢o架，換咗前些路迪波蘭門將保路錫把關，唔用新烏龍王凱維特打中堅，點吖？咪又係瘋狂失波！後面咁衰，冇得搞o架喇，進攻做好啲啦，今次貴價烏拉圭兵加斯頓拉美利斯有機會復出，一於喪攻啦！

西布朗近兩場鬥實力分子曼城同紐卡素都臨尾香，今次喺主場對修咸頓確係贏波反彈黃金餐士，不過主Ｗ熱至1.6倍，足足讓到半一，唔多吸引！西布朗射手沙恩朗有傷未必踢得，但殺「聖人」使乜用尖刀吖，求其搵車路士借將盧卡古喺前面撞吓撞吓掂o架喇。今場大盤1.57倍熱得有道理，若嫌冇乜分頭，不妨博埋總入球4、5！