慕遜加柏馬賽大駁火

猪拉多纳

Leni首次喺歐陸連線同大家見面，見面禮係歐霸盃C組德國慕遜加柏主場對法國馬賽，雙方近期各自喺本土聯賽接連受到打擊，都極需要一場漂亮勝仗反彈，兩軍同樣重視歐霸盃，今場預期會係對攻好戲，推介有2倍嘅入球大。

（周五凌晨3時05分開賽）
加柏主場作戰夠開放

慕遜加柏近期成績曳得交關，近9場正式賽事只得1勝，啱啱喺德甲作客雲達不來梅更慘吞4蛋，至今喺歐霸盃兩戰亦只得1分，不過佢哋對歐霸盃素來重視，一樣會派強陣出擊。慕遜加柏至今所見換血唔係咁成功，但新球員其實好有質素，Leni深信佢哋好快會有進步演出。事實上，慕遜加柏今季喺各項賽事6度主場出擊，每仗都入到波，近5次更每場都入到兩球，證明佢哋喺主場最鍾意踢開放足球，如今爭出線形勢不利，今仗當然會搶攻。

馬賽喺法甲同巴黎聖日耳門鬥得激烈，佢哋季初開得好，但近期接連遭遇打擊，近3場聯賽只得1分，上輪輸畀弱旅特魯瓦，射手基格納更勇戰斷腳要長抖，球隊正急於走出谷底，佢哋向來作客都唔會保守，今季各項賽事8場作客有7場入到波，今晚預期會同慕遜加柏大駁火。
Leni推介：

慕遜加柏大★★★★

年青人大★★★

里昂勝★★★