辛尼特贏卡士翻嗒安德列治

猪拉多纳

歐聯早場上演C組榜尾戰，俄羅斯辛尼特主場迎戰比利時安德列治，兩支球隊都同Anton好有淵源，我認為辛尼特無論級數同往績都佔壓倒性優勢，1.44倍主W係過關重心，進取可以博埋2.32倍「讓球主勝」。

（有線61及201台周四凌晨零時直播）
安軍箭頭馬保卡尼缺陣

今仗對雙方而言等同生死戰，特別係對於分組賽連輸兩仗嘅辛尼特，佢哋季前已經聲明會盡最大努力於歐聯爭取佳績，今仗絕對非勝不可，呢支富甲一方嘅俄羅斯球隊，季初於內部曾經有過小危機，會方以9,000萬歐元引入侯克同韋素兩名高價兵，將原來擔任隊長嘅丹尼索夫貶落二隊，部分球員曾表示不滿，不過經過會方安撫後，球隊士氣已告穩定，近期於俄超連贏兩仗，重拾自信，今次主場實行當決賽踢，鬥志百分之二百。

安德列治目前喺C組亦只得一分，佢哋曾經作客0比0守和AC米蘭，但得分原因係對手嘅進攻線上表現一團糟，睇過安德列治主場慘吞馬拉加三蛋之役，就知呢隊波根本唔夠級數喺歐聯發圍，佢哋自2005年起喺歐聯從未突破過分組賽，皆因級數所限。事實上安德列治整體人腳唔夠平均，陣中雖然有個別球員具質素，尤其箭頭馬保卡尼更係全隊最有威脅力之人，只可惜今場佢因傷缺陣，令球隊作客俄羅斯更難有爆冷機會。

至於往績亦傾向辛尼特一方，兩軍兩年前曾於歐霸盃相遇，辛尼特主客兩場都贏3比1，今晚既有主場之利，Anton相信一樣可以贏兩粒。