卡城主場屈晒機

猪拉多纳

歐聯成為是日市場焦點，但肥叔重心場次揀咗場英冠波，睇中升班熱門卡迪夫城，呢班波季初水準好穩定，喺自己地頭踢落特別醒，佢哋主場評級高，今次主場對屈福特讓緊半一，盤口都算合理，一於捧上盤！

（周三凌晨2時45分開賽）

英冠季初由殺聲震天嘅李斯特城帶出，呢班波人腳唔錯，近期愈踢愈順，略嫌畀人唱熱咗，啲盤唔多抵玩。二哥卡迪夫城亦打得好好，佢哋近年經常都可以殺入英冠前列，但成日都同升班席位擦身而過，今季捲土重來，論人腳就絕對有本錢升班，呢班波勝在主場有惡氣，近排贏到開巷，個勢真係好勁，今次對住中游分子屈福特又有機會食胡，值得留意。

同日歐聯E組賽事意甲名牌球隊祖雲達斯作客丹麥大軍洛斯查蘭特，計級數「祖記」當然高啲啦，佢哋喺國內冇乜受到考驗，出到歐洲賽演出只係不過不失，今次對住同組弱旅贏面確係較高，但讓到球半真係過火啲，呢類意大利球隊好識計數，只會以三分為目標，作客讓得咁狠絕對不宜捧場，夠膽直頭可以博下盤。