國米「尼」料

猪拉多纳

今季有復甦迹象嘅國際米蘭，今晚喺意甲主場迎戰作客不勝嘅卡坦尼亞，國米近排連勝紀錄已經去到4場，呢場波就算有長友佑都停賽，仍然有力入多幾球完成5連勝，2.38倍「讓主」值得一博。

（開賽時間：周日晚9:00）
卡坦尼亞作客未贏過

講真吖，依家嘅國際米蘭未必好似菲臘比干天奴咁講，有力同祖雲達斯爭冠軍，但係睇佢哋早排踢番出強隊氣勢，尤其上場「米蘭打吡」踢少個都照贏AC米蘭，連贏4場，證明「藍黑軍團」已經漸入佳景啦！最正嘅係佢哋近4場入咗8球，仲係分別由7個球員攻入，入球點夠晒分散，即使迪亞高米列圖又中咗「十月魔咒」陷入球荒都冇有怕。

國米雖有上場被逐嘅長友佑都停賽，但艾華路佩雷拉同祖爾奧比都夠卡士頂替，條防線要保持近4場失2球嘅好表現並唔難。反而卡坦尼亞開咧到依家3場作客都未贏過兼失足8球，睇怕今晚連1分都凍過水！