水手慢熱冇得輝

猪拉多纳

今日繼續上演兩場澳職，重頭戲中岸水手主場對珀斯光輝，水手係上季常規賽盟主，光輝係季後賽亞軍，雙方實力不相伯仲。不過，論狀態光輝佔優，剛擊敗上季總冠軍布里斯班獅吼，士氣高昂，作客亦唔會輸蝕，而且有得受讓，一於捧珀斯光輝「讓球客勝」。

（周日下午2時開賽）

珀斯光輝上季大事增兵後，成績大幅冒升，已成為爭標分子，並晉級上季總決賽，可惜不敵布里斯班獅吼。光輝今季捲土重來，鬥心更勝從前，開咧戰成功報仇力挫獅吼。

呢場勝仗充分顯示光輝爭標決心極強，今場遇上另一支勁敵中岸水手亦唔會手軟。

反觀，水手上仗竟然被新加入澳職嘅西悉尼流浪者悶和，表現喺水準之下。事實上，水手一向比較慢熱，上季即使奪得常規賽冠軍，但首三場聯賽只得一和二負。以水手上仗演出，似乎仍然延續呢個特性，可趁季初捧水手對家。
鳳凰冇半隊兵

另外，墨爾本雄心主場對威靈頓鳳凰，鳳凰係新西蘭球隊，全靠喺自己地頭搶分，作客一向打折扣，兼且今仗有領隊及大批主力因要代表新西蘭征戰國際賽缺陣，主W熱爆有道理。